Die neue Zeit - Os Dörpche

Von Theodor Nießen

Melodie: Wohlauf, die Luft geht frisch und rein

1

2

Et litt e Dörpche wonderbaa,
en gröne Eefelberege,
et ruusch de Eref em Wisedaal -
he huuste ens de Zwerege.
Em Felsespalt verborege stooch,
dat fließig kleene Völeckche,
zwoe övve Daag en deefem Schloof,
bös kame Ovendwölekche.

Ens schret däe Röme stolz on feng,
dörech senge Blomegahde,
ae planz sich he och senge Weng,
de Eref lod en zom bade.
De gröne Au am Eefelrangk,
möt Blome, weeche Matte,
de hät däe Röme god gekannt,
all Bööm möt deefem Schatte.

3

4

On en dä Kruene ruusch et noch,
von längs vergangene Daage,
de avgeschott dat Römejoch,
de et en Bann geschlage.
On watt noch blev am Felsehang,
dat konnt ühe üch erfrooge,
em Dörep doh weeß et jede Mann,
et eös de „Düvelsoode“.

Ahndächtig lit dat Dörepche doh,
bedaach möt neuem Lövve,
wie övverall, och he ich sohg,
de neue Zitt am wövve.
Em flotte Tack däe Hamme geht,
denn Arbeet soll beglöcke,
däe Hammeschmödd am Ambos steht,
on bög de Wöngede Schöppe.

5

Et Krüzz op huhe Felsekannt,
sähnt onge stöll de Flue,
wo höck däe Ploog vom Ackeschmann,
treck füe de Soot de Fue.
On deefe Fredde lit om Land,
en desem Herregottsgahde,
on waa äe üch noch net bekannt -
sed fröndlich engelade!

Ditgitalfoto vom 24.5.2001 - Chisti Himmelfahrt 8.23 Uhr

Entnommen: Kreuzweingarten - Rheder - Kalkar, 1969, Zeitbiografischer Verlag, Kreuzweingarten